O actual tenente de alcalde e próximo candidato asegura que “é o momento” de Ames, un concello que medra e que está chamado a ser referente doutros municipios do País.

Santomil destaca cómo desde as responsabilidades de goberno do BNG se sacaron adiante importantes proxectos, como o futuro colexio para o Milladoiro e os comedores escolares, así como distintas medidas de conciliación.

Salienta que este tipo de actuacións, que son sinónimo de calidade de vida, fan posible que Ames sexa o único concello de Galiza no que medra a natalidade.

A Asemblea Local aprobou por unanimidade a candidatura de Isabel Vaquero e agradeceu o traballo desenvolvido por Alexandre Espinosa como anterior responsable local, destacando a mellora dos resultados electorais e o traballo de cohesión da organización en Ames.