O vindeiro 24 de febreiro o BNG de Ames presenta o primeiro tramo da candidatura que presenta ás eleccións municipais de 2023, encabezada polo seu portavoz, David Santomil, nun acto a celebrar na Casa da Cultura do Milladoiro e no que intervirán o propio Santomil xunto coa portavoz nacional do Bloque Nacionalista Galego, Ana Pontón.

Ás 20:30 horas, na Casa da Cultura do Milladoiro, falaremos dos feitos concretados estes 8 anos de goberno continuado do BNG de Ames en áreas de goberno tan importantes como Educación, Cultura, Mocidade, Normalización ou crianza con Apego.

Xunto a Ana Pontón e David Santomil, xuntarémonos co primeiro tramo da candidatura, un equipo con experiencia pero xoven, cohesionado e capacitado, coñecedor do concello. Unha candidatura con ideas, feminista, que sabe e valora o potencial do concello e das súas xentes.

É o momento de Ames de dar un salto adiante para seguir avanzando nos proxectos postos en marcha e aumentar as áreas nas que o BNG deixa sempre a súa pegada nos gobernos municipais. Con feitos concretos e traballos cumpridos.

Agardámoste o venres 24 na Casa da Cultura do Milladoiro.

#ÉoMomento #feitos
#BNG