Rematado o pleno a situación non mudou, ao noso parecer, incluso se agravou. As ANPAS seguen denunciando  a falla de interés do alcalde e a concelleira por chegar a acordos que repercutan no benestar das nenas e nenos nos servizos de conciliación.

Dende o BNG vemos con inquedanza esta posición do goberno municipal, que segue sen mostrar ningún dato que confirme a súa afirmación de que o recorte  das prazas se debe a un problema de seguridade. De feito, a concelleira Escarlata Pampín  solicitou que fora facilitada a información técnica concreta que se tomou de base para este decreto e para o argumentario utilizado pola concelleira e o alcalde para fundamentar os recortes. Como resposta ao BNG, o alcalde apelou ao “sentido común” ante a inexistencia de informes técnicos que aborden a evaluación da seguridade . 

 Dende O Grupo Municipal do BNG  cremos que dende o inicio do mandato as ANPAS  mostraron sempre a súa vontade de  colaborar e concordar as modificacións que o executivo local pretende levar a cabo en materia de conciliación, polo que vemos con  sorpresa esta ruptura por parte de goberno municipal.