No Pleno Extraordinario do Consello Escolar Municipal de Ames, celebrado o 16 de abril, púxose de novo de manifesto a total falta de consenso entre o goberno municipal e as ANPAS motivada pola falta de transparencia e diálogo do actual goberno socialista en minoría

En menos dunha semana o novo goberno municipal do  Concello de Ames duplicou o prezo das merendas nas escolas infantís municipais (baixo a escusa da gratuidade das matrículas, aínda que xa son gratuítas dende o curso 2022/2023) e aplicou o Decretazo para recortar a prestación nos servizos de conciliación.