O grupo municipal do BNG fixo balance en Covas dos dous anos do goberno do PSOE, apoiado nun pacto co Partido Popular, cualificándoo dun equipo moi feble, que ten demostrado a súa incapacidade para xestionar con eficacia os recursos públicos, “non ten nin propostas nin proxectos novos está a vivir das herdanzas do pasado, moitas delas políticas desenvolvidas polo BNG”, manifestou a voceira, Escarlata Pampín.
A voceira, Escarlata Pampín, viaxa a Bruxelas para reunirse coa Comisión de Vivenda do Parlamento Europeo e demandar o dereito a unha vivenda digna, sostíbel e accesíbel para a veciñanza amesá. Na xuntanza trataronse diversos aspectos relacionados con esta grave problemática, como a vivenda baleira, a falta de parque público de vivendas, o uso de vivendas turísticas e as dificultades que ten a xente moza e a xente traballadora para acceder a un fogar digno
A día de hoxe, preto de 33.000 veciños e veciñas de Ames carecen dun servizo de bombeiras e bombeiros propio, malia que a poboación non deixou de medrar e o concello conta xa cun volume de habitantes que xustifica plenamente a existencia dun parque municipal de emerxencias
O xoves 5 de xuño presentaron un escrito no rexistro no que reclaman que se cumpra dun xeito claro e rigoroso o Regulamento Orgánico Municipal (ROM) por parte de tódalas persoas implicadas na actividade do Concello, de xeito que non se vulneren os seus dereitos.
Tras unha xuntanza mantida cos clubs e asociacións deportivas, nas que se expuxeron as carencias e necesidades coas que se atopan diariamente, o BNG de Ames presentará ao pleno deste mércores 28 de maio unha moción para reclamar que se actúe decididamente en materia deportiva. “A promoción do deporte e de ocupación do tempo libre é unha competencia propia das entidades locais. Os Concellos deben investir en deporte como prevención en saúde física e mental. Ademais de fomentar os bos hábitos nas condutas adolescentes”, manifesta a Voceira Escarlata Pampín.
Na xuntanza mantida este mércores, a voceira do grupo municipal do BNG de Ames, Escarlata Pampín afirmou que “non podemos permitir que a vivenda se convirta nunha simple mercadoría, é preciso blindar o dereito de acceso de todas as persoas a unha vivenda digna e adecuada que satisfaga as súas necesidades básicas”.
Na xuntanza mantida este martes en Compostela a voceira do BNG de Ames, Escarlata Pampín, expuxo o interese do seu grupo municipal no parque comarcal de bombeiros. Outro dos asuntos abordados na reunión foi a necesidade de mellorar o Plan de Transporte Metropolitano.
A finais de marzo a falta de presupostos de 2025, supón que o orzamento do 2024 se atope prorrogado e existen unha serie de investimentos urxentes que é preciso acometer e non contan con crédito.
Os nacionalistas lamentan que sexa necesario a aprobación dun crédito extraordinario para o funcionamento da cociña central,que dá servizo aos comedores dos centros escolares amesáns, ou da Factoría, lugar de ensaio e punto de xuntanza para a mocidade, simplemente pola ineficacia do goberno socialista
