Novas

 O deputado do BNG no Congreso, Néstor Rego, presentou o pasado día 1 de outubro varias preguntas ao Ministerio de Transportes sobre o traspaso deste tramo ferroviario, entre elas se dito Ministerio recibiu solicitude do Concello de Ames e se estaría disposto a proceder ao traspaso.  A organización nacionalista sinala que a súa posta en valor permitiría xerar un novo espazo para a mobilidade sustentábel e unha oportunidade para a dinamización do territorio

Acadar unha vivenda accesible en condicións adecuadas para todas as persoas é un dos principais obxectivos para o BNG de Ames. Ese interese levou aos nacionalistas a organizar o pasado sábado 27 unha xornada sobre vivenda no Milladoiro na que expertos e asistentes debateron sobre a situación actual e o modelo de futuro.

O Concello de Ames vén de ser condenado a indemnizar ao anterior delegado de persoal da EPEL e ao sindicato CIG por vulneración de dereitos sindicais ao non convocalo ás reunións do Consello de Administración da EPEL Augas de Ames

Dende o BNG de Ames  prevén novas demandas e novas indemnizacións que terán que pagar todos os amesáns e amesás con cartos públicos, porque o presidente da EPEL, titular da  alcaldía, segue convocando indebidamente

(Nova de Xornal de Compostela: https://xornaldecompostela.gal/santiago/ames/21987-o-xulgado-condena-ao-concello-de-ames-a-indemnizar-a-cig-e-ao-exdelegado-de-persoal-por-vulneracion-de-dereitos-sindicais/)

Escarlata Pampín denuncia a improvisación do goberno socialista e o incumprimento dos acordos asinados.

Rosalía Seijas critica a ausencia de orzamento municipal para 2025 e o sobrecusto do 52% nas festas, gastando 220.000 euros en festas mentres hai núcleos sen sumidoiros 

Ames, ano 2025, e hai residentes da parroquia de Ortoño incomunicados fronte a  riscos vitais, puidera parecer o argumento dunha serie distópica, pero por desgraza é unha realidade. Son os veciños e veciñas de Lapido que sofren a desidia dun goberno socialista que decide non arranxar a única ponte pola que podería pasar un vehículo de emerxencia para atendelos de forma inmediata.

Un acto cargado de emoción e lembranza tivo lugar onte no memorial dos “Homiños de Boimorto” organizado polo BNG de Ames. Unha cerimonia na que os nacionalistas reafirmaron o seu compromiso coa memoria democrática e o recoñecemento ás vítimas da represión fascista.

 “No caso dos “Homiños de Boimorto” só o corpo de tres destes represaliados puideron ser exhumados e trasladados, dende un lugar esquecido, ata unha sepultura digna, é por iso que aproveitamos tamén este acto, non só para renderlles homenaxe senón tamén para reivindicar que se retomen as labores de localización, prospeción e excavación para algún día devolverlles dalgunha maneira a dignidade a estes“homiños” e ás súas familias”, Escarlata Pampín.

A deputada Iria Carreira reclama, xunto a representantes do BNG de Ames e Negreira e veciñanza da zona, máis seguridade na estrada AC-544

De igual xeito, a deputada Mercedes Queixas visita Ponte Maceira para comprobar de primeira man a problemática da presa e da contorna deste BIC.

O alcalde de Carballo, Evencio Ferrero, o concelleiro delegado de Deportes e Participación cidadá, Xosé Daniel Pérez López e varios membros do equipo, analizaron, xunto coas concelleiras do BNG de Ames as políticas deportivas que están a desenvolver. Os investimentos do goberno do BNG de Carballo realizados nas instalacións deportivas dos centros educativos permiten o seu uso por parte dos clubs, mesmo para competicións oficiais nas fins de semana

 A obra, “Vidas e Historias LGBT da Idade Media”, é o último traballo publicado polo escritor e profesor ribeirán. Un libro precedido pola polémica antes xa de saír á venda debido a que demostra mediante a documentación empregada que “a humanidade non é un monolitismo heterosexual senón diversa. O pasado tamén fala do presente e iso incomoda” explica Callón.

 Propuxo facilitarlles o desfrute  das celebracións a toda a veciñanza, incluídas aquelas persoas con hiperacusia, hipersensibilidade sensorial (como nalgúns casos do trastorno do espectro autista), persoas maiores, bebés ou doentes, así  como diminuír o perigo de incendios