O obxectivo principal desta recollida de sinaturas é esixir ao Concello de Ames a aplicación da lexislacion vixente e avances na xestion de colonias felinas rurais, colaborando e facilitando á vez a labor que están a facer as persoas particulares e as asociacions, establecendo algún convenio de colaboración que recoñeza o traballo que fan e que é competencia das administracións locais.

 A urxencia desta moción vén motivada polo feito de que as veciñas e veciños do rural levan desde hai meses amosando a súa preocupación pola existencia de colonias felinas descontroladas, sen castrar, o que supón a súa inmediata proliferación,  sen atención veterinaria e sen máis  alimentación que a proporcionada pola propia veciñanza.  A lei establece  a obriga de atender ás colonias felinas por parte do Concello.