#orzamentos2026

Para o BNG as medidas en materia de vivenda pública son unha cuestión fundamental que o goberno se negou a tratar, rexeitando a proposta nacionalista de reservar unha porcentaxe para a construción destes inmobles nas cinco parcelas de titularidade municipal  de Bertamiráns que puxo á venda.

“O orzamento é a principal ferramenta de acordo político que pode haber nun Concello e pese a iso o goberno local non afrontou as negociacións nin con responsabilidade, nin con diálogo, nin con transparencia”, salienta a voceira do BNG de Ames, Escarlata Pampín.

Os nacionalistas denunciaron en numerosas ocasións a falta de responsabilidade e planificación do goberno socialista pola falta de interese en negociar uns orzamentos actualizados.

Este primeiro encontro enmárcase no propósito do BNG de seguir levando a cabo  unha política útil e construtiva, centrada nas demandas e necesidades das amesás e dos amesáns