Unha moción orixinada trala xuntanza mantida coas traballadoras e persoal sindical do PAC o 3 de xullo deste ano á que tamén  asistiu a parlamentaria nacionalista Iria Carreira e na que as profesionais  expresaron a súa preocupación  tanto polo estado no que se atopa o edificio como pola falta de persoal, que  redunda na atención inadecuada aos enfermos. 

Na súa intervención a voceira do BNG de Ames, Escarlata Pampín,afirmaba  “eu son usuaria do Centro de Saúde de Bertamiráns e a pouquiño que vaiamos por alí tanto en calidade de doentes cono de concelleiros ou concelleiras evidenciase que os investimentos neste centro foron insuficientes; e  non é difícil que sexan insuficientes cando estamos a falar dun edificio do ano 1991 cando este concello tiña a terceira parte da poboación que ten agora. Dende o BNG levamos moito tempo pelexando pola situación do Centro de Saúde de Bertamiráns e sería ir de costas á veciñanza de Ames e ao persoal sanitario non apoiar esta moción”

O BNG de Ames  demanda  da  Xunta de Galicia o estudo de construción dun centro novo ou a ampliación  do Centro de Saúde e do PAC de Bertamiráns dando lugar a unha estrutura ben dimensionada e acondicionada no terreo cedido polo Concello; dotación do persoal necesario de xeito que se garanta a atención pediátrica pola tarde no centro de saúde; un dobre equipo completo de tarde e nas fins de semana no PAC; e a inclusión de novas categorías profesionais que respondan ás necesidades da veciñanza amesá do século XXI como  fisioterapia, radioloxía, nutricionista ou logopeda.

O BNG seguirá  agora a traballar para que se dea cumprimento á moción.