Na moción, o grupo municipal, insta á Xunta de Galicia  a cumprir, de maneira inmediata, coas ratios máximas incluídas na Resolución do 10 de xaneiro de 2024, da Dirección Xeral de Centros e Recursos Humanos.

 O BNG esixe que se dote aos centros educativos do necesario persoal de apoio e especialistas para que, en todos eles, se  poida dar soporte ao alumnado con necesidades especiais que permita a verdadeira  e total integración.

Así mesmo, no  caso concreto do CEIP  de Ventín,  demanda que se lles proporcione os autobuses suficientes ao servizo de transporte escolar de xeito que non se produza o desdobre de ningunha liña.

 En palabras da voceira, Escarlata Pampín, “atopámonos ante un novo curso escolar de rebaixas por parte da Consellería de Educación que non imos permitir;  dende o BNG de Ames estamos loitando para que esta situación se solucione, non só apoiando as  mobilizacións das ANPAS e o profesorado e alumnado afectados, senón tamén dende o ámbito institucional, trasladando esta problemática ao pleno municipal e ao Parlamento Galego, de feito, a deputada nacionalista Cristina Fernández visitará Ames este xoves para logo demandar ao goberno da Xunta que reverta esta situación”.

Dende o BNG de Ames non deixaremos nunca de loitar por unha educación pública e de calidade.