No Consello Escolar Municipal Extraordinario que se celebrou o pasado 16 de abril, solicitado por parte das ANPAS e de tódolos grupos da oposición, prodúcense unha serie de ataques cara membros dalgunhas ANPAS (incluso persoais) e mesmo desencontros coa dirección dalgúns dos centros do concello de Ames.  Ademais trasladáronse , fora da orde do día, decisións tomadas de xeito unilateral por parte do goberno municipal e descoñecidas por parte dos membros da comunidade educativa alí presentes, deixando claro o afán de imposición deste goberno sen ter en conta ás ANPAS e ás familias.  

Dende aquel momento non houbo ningún tipo de intención de achegamento para reconducir a situación por parte da concelleira e dende a concellaría, tampouco se está a dar resposta ás solicitudes de información  por parte das ANPAS. Polo que actualmente a relación entre as ANPAS e Dona Carmen Porto Rey é inexistente. Esta falta de confianza e de entendemento coa comunidade educativa imposibilita o bo funcionamento dunha das áreas máis importante do concello de Ames que destaca por ser un dos poucos concellos de Galicia que esquiva o descenso demográfico mantendo un saldo vexetativo positivo e un constante crecemento poboacional, favorecido polos programas educativos que fomentan a conciliación laboral e familiar.