Ante esta situación o BNG de Ames presentou unha moción para que o Concello de Ames faga unha revisión de tódalas paradas e dote das marquesiñas necesarias ao noso rural coa información concreta en cada punto, porque a información que agora figura  resulta totalmente inintelixible para a veciñanza.

Estas condicións deplorables que padecen as veciñas e veciños de Ames non preocupa ao  goberno municipal do PSOE en minoría que non amosa ningún interese por arranxar unha situación xa insostible e  que lle foi comunicada en múltiples ocasións.

De igual xeito, dende o BNG de Ames esiximos á Xunta que faga cumprir con rigorosidade os contratos en vigor do servizo público de transporte en Galicia, de acordo aos pregos técnicos e administrativos e ás ofertas gañadoras nos concursos e que estude a posibilidade de dotar ao rural de Ames do Servizo de Noitebús.

“Demandamos servizos para mellorar a mobilidade das persoas, un problema que afecta a tódalas idades pero que repercute sobre todo naquelas que carecen de  transporte  privado, un grupo entre os que se atopa a xente máis nova e a xente maior que depende dos seus familiares ou coñecidos para desprazarse”. Explica  a voceira do Grupo Municipal do BNG, Escarlata Pampín.

A moción forma parte dunha campaña que o BNG de Ames está a poñer en marcha no concello para demandar un servizo público de transporte digno e eficiente