Nas eleccións ao Parlamento de Galicia, que se celebrarán o 18 de febreiro, a  nosa candidata á presidencia da Xunta  será a encargada de liderar o cambio "para poder transformar a mellor este país"  

Un xiro que suporá contar  con "unha presidenta  preparada para poñer en marcha  unha Galiza en grande. A primeira presidenta coas mans libres  porque a min ninguén me vai poñer límites desde Madrid á hora de defender os intereses dos galegos e das galegas", ao contrario, Galiza,o primeiro.”

Porque o BNG ten ideas para transformar Galicia  e capacidade de xestión para poder levalas adiante.  " Porque Galiza é un gran país, con riqueza, con potencial, con xente honesta e traballadora, pero que necesita un goberno que confíe nese potencial, nesa capacidade e que faga as cousas ben, ese é o meu compromiso e o de todo o BNG".

“Nós queremos unha Galiza productiva na terra e no mar, con industria, que aposte pola ciencia e pola innovación, porque sabemos que para competir no mundo a  mellor maneira é  con salarios dignos, con empregos de calidade e non coa precariedade que nos está deixando o PP”.

"Queremos unha Galiza orgullosa da súa lingua milenaria, da súa cultura,que nos fai estar  no mundo con personalidade propia".

"Queremos un país que priorice o coidado do seu medio ambiente, implicado na loita contra o cambio climático.Queremos unha Galiza na que a riqueza enerxética  estea ao servizo da sociedade galega, das familias, da clase traballadora, das empresas, porque sabemos que o vento é noso, os montes son nosos  e os ríos son nosos. E nese sentido temos un compromiso claro: queremos un goberno que traballe polo interese xeral e non polo interese dos lobbies enerxéticos.”

“Quereremos unha Galiza feminista, con igualdade onde cada quen ame a quen queira amar e sexa quen queira ser”.

“Quero ser a próxima presidenta deste país para poñer en marcha esa Galiza posible que está ao alcance da nosa man”.

Se queres coñecer a realidade das intencións de Ana Pontón  á  fronte do goberno galego e non o que contan por aí, achégate o próximo xoves 18 ao Auditorio da Casa da Cultura de Bertamiráns . 

Contamos contigo.