Hoxe repartimos no Milladoiro a copia en papel do boletín do BNG de Ames correspondente ao mes de xuño deste 2022, facendo balance e resumo dos tempos vividos durante a covid-19, como estamos a sair xa con máis forza e decisión e, tamén, como imos afrontar as vindeiras eleccións municipais do ano 2023.

O noso resumo ven na primeira páxina do boletín, que adxuntamos en ficheiro pdf para quen queira ter ocasión de botarlle unha ollada:

"Na actualidade as concellarías xestionadas polo BNG están centradas en executar e cumprir todos os compromisos que xa están reflectidos nos orzamentos de 2022 e nos correspondentes plans, polo cal incrementaron o seu orzamento. Administración electrónica, comedores escolares, infraestruturas para a mocidade, protección do patrimonio histórico son os principais investimentos das nosas áreas, sempre dende a aposta por un modelo de concello máis sostible e integrador, e pola estabilidade política."

"Se algo caracteriza ao BNG nos concellos é a súa capacidade non só de imaxinar novos proxectos, senón de levalos á práctica, executalos, xestionalos, mantelos e melloralos."